Nga jeta e Tabi'inëve

Titulli: Nga jeta e tabi'inëve
Autor: Tarik Suvejdan
Përkthyes: Elmaz Fida
Numri i faqeve: 192
Formati: A5
Viti i botimit: 2009


Hyrje

Falënderimet më të sinqerta i takojnë All-llahut të Madhërishëm. Paqja dhe mëshira e Tij qofshin mbi Profetin, Muahmmedin [sal-lall-llahu alejhi ve sel-lem], shokët dhe të gjithë ata që ndoqën rrugën e tij.
Tabiinët janë brezi që erdhi direkt pas sahabëve, shokëve dhe bashkëkohësve të Profetit [sal-lall-llahu alejhi ve sel-lem].

Sahabët, jetuan, dëgjuan, përfituan direkt nga dijet e tij, u edukuan me moralet më të larta dhe na i përcollën detajet më të imta nga jeta e Profetit [sal-lall-llahu alejhi ve sel-lem]. Ishin ata që ushtruan dhe zbatuan Islamin e pastër dhe të freskët, ashtu siç e kishin marrë nga Profeti [sal-lall-llahu alejhi ve sel-lem] dhe e kuptonin nga Kurani famëlartë, shpalljen e të cilit e përjetuan vetë.
Kurani shpallej sipas rrethanave dhe shpeshherë për të zgjidhur një porblem që shqetësonte ndonjërin prej sahabëve dhe muslimanëve të asaj kohe.

Pas vdekjes së Porfetit [sal-lall-llahu alejhi ve sel-lem], shokët e tij u shpërndanë në të gjithë rajonin e Lindjes së Mesme, duke mbartur dhe përcjellë mesazhin hyjnor dhe njëkohësisht duke hedhur themelet e civilizimit islam.

Vendet dhe rajonet ku u përqendruan sahabët, ishin kryesisht në Gadishullin Arabik, në Egjipt, Sham, Irak dhe rajone të tjera. Ata njerëz që jetuan me sahabët e Profetit [sal-lall-llahu alejhi ve sel-lem], quhen tabiinë.

Brezi i tabiinëve janë model dhe shembull i rrallë. Vetë Profeti [sal-lall-llahu alejhi ve sel-lem] i kishte vlerësuar që gjatë jetës së tij me fjalët:
Brezat më të mirë janë brezi im, pastaj ata që i pasojnë, pastaj ata që i pasojnë.

Kështu, kuptojm që brezi më i mirë është brezi i sahabëve, bashkëkohësve të Profetit [sal-lall-llahu alejhi ve sel-lem] dhe pas tyre, janë brezi i tabiinëve.

Nëse për sahabët, njerëzit do të thoshin se ata kanë jetuar dhe e kanë dëgjuar Profetin [sal-lall-llahu alejhi ve sel-lem] direkt dhe kjo ishte ajo që i bëri të dallohen dhe të kenë sukses, diçka të tillë nuk mund ta thonë për tabiinët.

Me këtë, ata u kthyen në model dhe shembull për brezat që nuk jetuan me Profetin [sal-lall-llahu alejhi ve sel-lem].

Ndërkohë që dëgjon dhe lexon bëmat dhe heroizmat e shokëve të Profetit [sal-lall-llahu alejhi ve sel-lem], të shkon mendja menjëherë dhe i justifikon këto me faktin që ata jetuan me Profetin [sal-lall-llahu alejhi ve sel-lem] dhe dëshmuan shpalljen e zbulesës hyjnore.

Meqenëse tabiinët nuk jetuan me Profetin [sal-lall-llahu alejhi ve sel-lem] dhe nuk i dëgjuan hadithet direkt prej tij, ata janë njerëzit më të afërt dhe më të përshtatshëm për tu ndjekur dhe për tu marrë si model. Ata i përjetuan historitë dhe thëniet e Profetit [sal-lall-llahu alejhi ve sel-lem], nëpërmjet shokëve të tij, sahabëve.

Historitë dhe ndodhitë e brezit të tabiinëve janë të shumta dhe janë të mbushura me vlera dhe veçori, të cilat duhet të bëhen të ditura për muslimanët e sotëm.

Në të rrëfehet mënyra si u rritën dhe u edukuan, duke u bërë shembull për mbarë muslimanët që ndjekin rrugën e tyre.


Tabiinët:

• AMIR IBNU ABDULLAH TEMIM
• SEID IBNU MUSEJJIB
• REBI IBNU KUTEJM
• ATA IBNU EBI REBAH
• SILE IBNU ESHEJM EL-ADEVIJ
• SHUREJH EL-KADIJ
• AMIR IBNU SHERHABIL
• (IMAM SHABIJ)
• REXHA IBNU HAJJEVE
• SEID IBNU XHUBEJR
• MUHAMMED IBNU VASI
• EL-ESEDIJJ
• RABIATU REJ
• EBU HAZIM EL-AREXH
• MUHAMMED IBNU SIRIN
• URVE IBNU ZUBEJR